cartel-apertura.jpg

APERTURA ESPECIAL DE NADAL EN REDONDELA O DOMINGO 23 DE DECEMBRO.

A ASOCIACIÓN DE EMPRESARIOS DE REDONDELA PON EN MARCHA COA COLABORACIÓN DO CONCELLO UNHA XORNADA DE APERTURA COMERCIAL CUN PROGRAMA DE OCIO A ANIMACIÓN NA RÚA.

No marco da Campaña de dinamización comercial de Nadal o comercio da localidade prepara un día de apertura especial, todos os locais adheridos a campaña dispoñen de cartelería facilitada pola Asociación de Empresarios de Redondela no que se informa do horario de apertura.
 
A tarde do domingo 23 contará cun programa especial de animación, un TREN NAVIDEÑO percorrerá as rúas da vila e durante a xornada todos poderán subirse ao tren de balde. Neste tren viaxan personaxes especiais que farán desfrutar aos nenos dunha viaxe moi divertida. Ademais a clientela poderá aproveitar o percorrido urbano para desprazarse dunha tenda a outra ou simplemente dar un paseo diferente.
 
Esta alternativa para a tarde do domingo 23, que combina compras e esparexemento sen abafos, sen grandes aglomeracións, combínase ademais con distintas alternativas postas en marcha polos propios establecementos comerciais e que enchen a Vila de Redondela de múltiples sorpresas.