PROGRAMA XUVENTUDE MENTORING NA EMPRESA 2024

Publicado por Asociación Empresarios Redondela en Xuventude Mentoring . 2024-09-02 .

O Programa Xuventude Mentoring na Empresa consiste nun programa de estadías formativas en empresas vinculadas a sectores estratéxicos de Galicia para a mocidade entre 18 e 30 anos.

A finalidade deste programa, orientado á personas mozas, de entre 18 e 30 anos, inscritas no Sistema nacional de garantia xuvenil (SNGX), non ocupadas e non integradas nos sistemas de educación ou formación, é reforzar a súa empregabilidade e as habilidades e competencias profesionais adaptadas ao contexto laboral actual, contribuíndo á mellora da súa formación mediante a adquisición de experiencia profesional a través da realización de prácticas non laborais en empresas de sectores estratéxicos co obxectivo xeral de acadar a súa incorporación ao mercado de traballo.

Potenciar os programas de educación non formal en que as persoas mozas adquiran os coñecementos e habilidades máis demandados no contexto laboral actual.

Achegar as persoas mozas á realidade empresarial e mellorar a súa autonomía persoal.

Crear un ecosistema favorable á creación de oportunidades de emprego xuvenil.

Favorecer a captación e retención de talento en sectores económicos clave para a economía galega.

Os destinatarios finais son as persoas mozas que deberán cumprir os seguintes requisitos no momento da súa selección.

ESTADÍAS FORMATIVAS EN EMPRESAS DE SECTORES ESTRATÉXICOS DE GALICIA: aeronáutica, textil/moda, automoción, enerxías renovables, calidade de vida e benestar, etc.

O período das estadías formativas en empresas será de 3-4 meses cunha duración mínima de 100 horas mensuais e catro días semanais. (Data límite de realización das estadías formativas 31 de marzo de 2025).

As bolsas de formación serán de 661,50€ ao mes, incrementada en 100€/mes en caso de persoas con discapacidade e unha axuda de de custo por desprazamento de 100 €/mes cando o concello do centro de realización da estadía formativa non sexa o mesmo que o concello de residencia.

As persas mozas participantes contarán cunha persoa titora encargada do seguimento.

Ver empresas.

PLAN FORMATIVO COMPLEMENTARIO EN HABILIDADES E COMPETENCIAS PARA O EMPREGO.

40 horas de formación que combinarán os formatos presencial e online.

Ver programa.

En Redondela localízanse importantes empresas dos dos principais sectores estatéxicos de Galicia hacia as que estarán orientados os programas de estadías formativas en empresas.